கோமாளி பக்கம்

பிரபாகரன் என்று காட்டப்பட்ட உடல் சிங்கள ராணுவ வீரர்?

இலங்கை முள்ளி வாய்க்காலில் கடந்த ஆண்டு மே மாதம் 18-ந்தேதி நடந்த உச்சக்கட்ட சண்டையில் பல்லாயிரக்கணக்கான ஈழத் தமிழர்கள் கொல்லப்பட்டனர். சிங்கள ராணுவ வீரர்கள் தரப்பில் சுமார் 30 ஆயிரம் பேர் செத்ததாக சமீபத்தில் முன்னாள் ராணுவ தளபதி சரத் பொன்சேகா கூறினார். இந்த உச்சக்கட்ட சண்டை யில் விடுதலைப்புலிகளின் தலைவர் பிரபாகரன் கொல்லப்பட்டதாக சிங்கள ராணுவம் கூறியது. இதன் மூலம் விடுதலைப்புலிகளை முழுமையாக அழித்து விட்டதாக சிங்கள தலைவர்கள் கொக்கரித்தனர். ஆனால் கடந்த 8 மாதங்களாக விடுதலைப்புலிகள் எது பற்றியும் தகவல் வெளி யிடாமல் அமைதிகாத்தனர். கடந்த 14-ந்தேதி (தை மாதம் 1-ந்தேதி) விடுதலைப்புலிகள் தங்களது புதிய இணையத்தளம் மூலம் பிரபாகரன் உயிருடன், ரகசிய இடத்தில் நல்ல உடல் நலத்துடன் இருக்கிறார் என்றும், உரிய நேரத்தில் மக்கள் முன் தோன்றுவார் என்றும் தெரிவித்தது. இது உலகம் முழுவதும் பல்வேறு நாடுகளில் வாழும் ஈழத் தமிழர்களிடம் மகிழ்ச்சியை ஏற்படுத்தி உள்ளது. பிரபாகரனுடன் உளவுப்பிரிவுத் தலைவர் பொட்டு அம்மான், கடல்புலிகளின் தலைவர் சூசை ஆகியோரும் இருப்பதாக தகவல்கள் வெளியானது. இது சிங்களர்களுக்கு கடும் அதிர்ச்சியைக் கொடுத்துள்ளது. என்றாலும் பிரபாகரன் என்று ஒருவரது உடல் காட்டப்பட்டதால் அது பிரபாகரனாகத்தான் இருக்கும் என்று சிங்களர்கள் நம்பிக் கொண்டிருக்கிறார்கள். இந்த நிலையில் ராணுவத்தினர் காட்டிய உடல் பிரபாகரன் அல்ல, அது ஒரு சிங்கள ராணுவ வீரரின் உடல் என்ற தகவல் இன்று (வெள்ளி) காலை வெளியானது. தமிழ் வின் இணையத்தளத்தில் அந்த சிங்கள ராணுவ வீரரின் புகைப்படங்களும் வீடியோ காட்சிகளும் வெளியிடப்பட்டுள்ளன. குறிப்பிட்ட அந்த சிங்கள ராணுவ வீரர் அச்சு அசல் பிரபாகரன் போலவே காணப்படுகிறார். அவரது உயரம், உடல் அமைப்பு, முகச்சாயல், தொப்பி, பார்வை, மீசை எல்லாம் பிரபாகரனை ஒத்திருக்கின்றன. சிங்கள ராணுவ உயர் அதிகாரிகள் அவரை சுட்டுக்கொன்று விட்டு, பிரபாகரனை கொன்று விட்டோம் என்று அறிவித்திருப்பதாக அந்த இணையளத்தளத்தில் கூறப்பட்டுள்ளது.

வீடியோவை காண http://uk.video.yahoo.com/watch/6823777/17745760
Advertisements

ஜனவரி 22, 2010 Posted by | நாட்டுநடப்பு | பின்னூட்டமொன்றை இடுக

ஜூ.வி ஆசிரியர் விகேஷ் நீக்கம் ஏன்? – இலங்கை அரசின் கைக்கூலி பத்திரிகையாளர்கள் – தெரியாத செய்திகள்!

தமிழக ஊடகவியலாளர்களிடையே சமீபத்தில் பரபரப்பாகப் பேசப்படும் ஒரு விஷயம், விகடன் குழுமத்திற்குச் சொந்தமான ஜூனியர் விகடன் இதழில் நிர்வாக ஆசிரியராக இருந்த விகேஷ் என்பவர் அதிரடியாக  வேலைநீக்கம் செயப்பட்டிருப்பது பற்றித்தான். அவருக்கு சென்னையில் மட்டும் சொந்தமாக நான்கு வீடுகள் இருப்பதாகவும், சில பெரிய புள்ளிகளோடு சேர்ந்து ரியல் எஸ்டேட் தொழில் செய்து வருவதாகவும், அது தொடர்பான கட்டப் பஞ்சாயத்துகள் போன்றவற்றில் நீண்டகாலமாகவே அவர் கைதேர்ந்தவர் என்றும், ஒட்டு மொத்தமாக தன் தொழிலுக்கு ஜுனியர் விகடன் பெயரைத் தவறாகப் பயன்படுத்திக் கொண்டதாகவும் கூறுகிறார்கள்.

சமீபத்தில் மோசடி வைத்தியசாலை தொடர்பான கட்டுரை ஒன்றைப் பிரசுரிக்காமல் தவிர்த்ததைத் தொடர்ந்து,  நிர்வாகம் அவரைக் கண்காணித்ததாகவும் தனியார் துப்பறியும் நிறுவனம் மூலமாக விசாரணை நடத்தியதில் பல லட்சமோ, கோடியோ மோசடி நடந்திருப்பது உறுதியானதாகவும், அதன் தொடர்ச்சியாகத்தான் விகேஷ் அலுவலத்துக்குள் அனுமதிக்கப்படாமலேயே வீட்டிற்கு அனுப்பப் பட்டதாகவும் சொல்லப்படுகிறது.

இதைக்காட்டிலும் தமிழ் மக்களுக்கு அதிர்ச்சியூட்டத்தக்க குற்றச்சாட்டு ஒன்றும் உள்ளது. அது விகேஷ் இலங்கைத் தூதரகத்துடன் வைத்திருந்த உறவு தொடர்பானது. இன அழிப்புப் போரின் போது தமிழகத்து அரசியல்வாதிகளையும், பத்திரிகையாளர்களையும் ‘திறமையாக’க் கையாண்டதற்காக சென்னையில் இலங்கை அரசின் துணைத்தூதராக இருந்த அம்சாவுக்கு பதவி உயர்வு கொடுத்து இலண்டனுக்கு அனுப்பி வைத்தது, இலங்கை அரசு. தமிழ் ஊடகவியலாளர்களில் சிலர் அம்சாவோடு மிக நெருக்கமாகப் பழகி வந்திருக்கிறார்கள். போருக்கு முன்னர்; இலங்கை அரசின் பிரச்சாரத்தை முன்னெடுக்க அவர்களுக்குச் சன்மானங்கள் வழங்கப்பட்டன. போரின் வெற்றிக்குப் பின்னர், செய்த வேலைக்காக சன்மானமும் விருந்தும் வைக்கப்பட்டது.

Hamsaஅம்சாவிடம் கேள்வி எழுதிக் கொடுத்து ராஜபட்சேவிடம் பதில் வாங்கி, அதைத் தொடர்ந்து வெளியிட்டு வந்தன, சில ஊடகங்கள். போர் தீவீரமாக நடந்த காலத்தில் வழக்கறிஞர்களும் மாணவர்களும் அரசியல் அமைப்புகளும் போர் நிறுத்தம் கேட்டு போராடிய காலத்தில், இலங்கைத் தூதரகம் துரோகி கருணாவின் நேர்காணலுக்கான ஏற்பாட்டைச் செய்து, இங்குள்ள எல்லா பெரிய ஊடக நிறுவனங்களிலும் அது வெளியானது. ஜூனியர் விகடன் இரண்டு வாரமாக துரோகி கருணாவின் பேட்டியை வெளியிட்டது. இந்த நேர்காணல்களை  வெளியிடும் சுதந்திரம் எல்லா ஊடகங்களுக்குமே உண்டு என்று வாதிடலாம்.  ஆனால், அதிர்ச்சிகரமான செய்தி என்ன வென்றால்,  புலிகளின் அரசியல் பிரிவுத்தலைவர் பா.நடேசனின் நேர்காணலை ஜூனியர் விகடனும், டெக்கான் குரோனிக்கலும் வெளியிட மறுத்து கருணாவின் நேர்காணலை வெளியிட்டதுதான்.

தமிழ் ஊடகங்களில் உள்ள கணிசமான பத்திரிகையாளர்கள் வளைக்கப்பட்டார்கள். சில மானமுள்ள பத்திரிகையாளர்கள் அம்சாவின் அன்பளிப்புகளைப் புறக்கணித்தும் இருக்கிறார்கள்.இலங்கை தூதரகத்தின் செயல்பாடுகளைக் கண்டித்தும் அம்பலப்படுத்தியும் எழுதிய ஊடகங்களும் உண்டு. போருக்கு முன்னரும் பின்னரும் ஆங்கிலம் பேசும் ஊடகவியலாளர்களை கொழும்புக்கு அழைத்துச் சென்று குளிப்பாட்டியும். தமிழ் பேசும் ஊடகவியலாளர்களை சென்னையிலேயே குளிப்பாட்டியதும் கூட நடந்திருக்கிறது.

இதில் விகேஷ் மட்டுமல்ல, ஜுனியர் விகடன் குழுமத்தில் இப்போதும் பணியாற்றிவரும் ஒருவர்தான் அம்சாவுக்கு அதிகமான தரகு வேலை பார்த்ததாகவும், இப்போது புதிதாக வந்திருக்கும் துணைத் தூதருக்கும் அவரே ஊடகத் தரகராக இருப்பதாகவும் பேச்சு அடிபடுகிறது.

இவரது பணி வித்தியாசமானது; யாராவது புலிகளை ஆதரித்து எழுதினால், உடனே இவர் விகடனின் தீவீர வாசகர் என்ற போர்வையில் பிரமுகர்களை அழைத்துக் கொண்டு விகடன் நிர்வாகத்தினரைப் பார்க்கச் செல்வார். இவர் அழைத்துச் செல்லும் நபர் இலங்கை தூதரகத்தால் ஏற்பாடு செய்யப்படுபவராக இருப்பார். இவர் போய் ‘விகடனில் ஒரே புலி ஆதரவு கட்டுரையாக வருகிறது’ என்று பற்ற வைப்பார். இலங்கை தூதரகத்தால் இவருக்கு வழங்கப்பட்ட பல பணிகளில் இதுவும் ஒன்று.

தனிப்பட்ட பத்திரிகையாளர்கள் மட்டுமல்ல, சென்னை அரசினர் தோட்டத்திற்குள் இருக்கும் பத்திரிகையாளர் மன்றம் என்கிற அமைப்பின் பழைய கட்டிடம் இடிக்கப்பட்டு நவீன வசதிகளுடன் புதிய கட்டிடம் ஒன்று கட்டப்பட்டிருக்கிறது. தமிழ் ஊடகவியலாளர்களுக்காகக் கட்டப்பட்ட இந்த கட்டிடத்திற்குப் பெயர் வைக்கும் போது ஒரு பைசாத் தமிழன் இதழை நடத்திய அயோத்திதாசப் பண்டிதரின் பெயர் முதல் தினத்தந்தி  ஆதித்தனார் பெயர் வரை, ஏதாவது ஒரு ஊடகவியல் சார்ந்தோரின் பெயரை வைத்திருக்கலாம்.

ஆனால், அக்கட்டிடத்திற்கு வைக்கப்பட்ட பெயர் என்ன தெரியுமா? ” எஸ்.ஆர். எம். மாளிகை”. அதாவது, எஸ்.ஆர். எம். கல்லூரி முதலாளி பச்சைமுத்துவின் நிதியில் அந்தக் கட்டிடம் கட்டப்பட்டதால், அவர் பெயரையே கட்டிடத்திற்கு வைத்து விட்டார்களாம். இலங்கை அரசின் முன்னாள் அதிபர் சந்திரிகாவிடம் விருது வாங்கியவரும் தொடர்ந்து தமிழ் மக்களுக்கு எதிராக நஞ்சைக் கக்கிவருபவருமான ஹிந்து ராமைக் கொண்டு ‘எஸ்.ஆர்.எம்‘  என்ற அந்தக் கட்டிடம் திறக்கப்படுகிறது என்றால், பத்திரிகையாளர் மன்றத்தின் இன்றைய சில துரோக நிர்வாகிகளுக்கும் இலங்கைத் தூதரகத்திற்கும் ஏதேனும் தொடர்பு உள்ளதா என்பதை ஊடக நிறுவனங்கள் விசாரித்திருக்க வேண்டும்.

எஸ். ஆர்.எம். கல்லூரியின் மர்ம அறையில் மாணவர்களை அடைத்து வைத்துத் தாக்கியதும். அந்தக் கல்லூரியின் தொழில் நுட்பச் சான்றிதழ்கள் செல்லாதவை என்று இந்திய தொழில் கூட்டமைப்பு அறிவித்தது குறித்தும் எஸ். ஆர். எம். கல்லூரி நிர்வாகத்தின் கட்டணக் கொள்ளை குறித்தும் யோக்கியமான எந்தப் பத்திரிகையாவது வெளியில்  கொண்டு  வந்திருக்கிறதா? போர் கொடூரமாக நடந்த காலத்தில், போர் நிறுத்தம் கோரியோ சிங்கள இனவெறி அரசைக் கண்டித்தோ ஒரு அறிக்கை கூட வெளியிடவில்லை இந்த ஊடக அமைப்பு. காரணம் இதில் தலைமைப் பொறுப்பில் உள்ள சிலர் எது செய்தாலும் இந்து ராமிடம் கேட்டுத்தான் செய்வார்களாம்.

ஈழத்தமிழினத்திற்கெதிராக நடைபெற்ற ஒரு இன அழிப்பு போரை இருட்டடிப்பு செய்வதற்காகவும், சிங்கள இனவெறி அரசை நியாயப்படுத்துவதற்காகவும் கைநீட்டி காசு வாங்கிய பத்திரிகையாளர்களின் குற்றம் வெறும் ஊழல் குற்றமல்ல. அது போர்க்குற்றத்திற்கு இணையாக, தண்டிக்கப்பட வேண்டிய ஒரு கிரிமினல் குற்றம். இவர்கள் இனப்படுகொலையின் கூட்டாளிகள்.

எண்ணிப்பாரக்கவே இயலாத இந்த அருவருப்பான நடவடிக்கை சிறு சிறு ஊழல்கள் வழியாகத்தான வளர்ந்து விசுவரூபமெடுத்திருக்கிறது. மாணவ நிருபராக இருந்து ஜுனியர் விகடனுக்கு நிர்வாக ஆசிரியராக வந்தவர்தான் விகேஷ். பொறுப்புக்கு வந்த மாணவ நிருபர்கள் மிக மிக தந்திரமாக செய்த ஒரு விஷயம், தங்கள் இருப்புக்கு இன்னொரு மாணவ நிருபர் உலைவைத்து விடாமல் பார்த்துக் கொண்டதுதான். ஒரு கட்டத்தில் மாணவ நிருபர்களின் வரவே குறைந்து ஒப்புக்கு மட்டும் அந்தத் திட்டம் இப்போது விகடனில் இருப்பதாக அறிய முடிகிறது.

நேர்மை, ஊடக தர்மம், எழுத்தை மட்டுமே நம்பி வாழ்கிற பத்திரிகையாளர்கள் பிழைக்கத் தெரியாதவர்களாகவும், ஊழல், செல்வாக்கை வளர்த்து அதிகார பீடங்களுக்கு  வருபவர்கள் திறமைசாலிகளாகச் சித்தரிக்கப்பட்டதும்  ஊழல்மயப்பட்ட ஊடக ஒழுக்கம் கட்டமைத்த கருத்தியலே. அந்தக் கருத்தியலின் ஒரு நவகால அடையாளம் மட்டுமே விகேஷ். ஒரு எல்லை வரை ஊழல், கட்டப்பஞ்சாயத்து போன்ற இழி செயல்களை எல்லா ஊடக நிறுவனங்களும் அனுமதித்தே வந்திருக்கின்றன. தமிழ் மக்களின் மனச்சாட்சி. நாடித்துடிப்பு என்றெல்லாம் பறைசாற்றிக் கொள்ளும் இந்த ஊடகங்கள் பத்திரிகையாளர்களுக்கு வழங்கும் ஊதியம் மிகவும் சொற்பமானது. உழைப்பைச் சுரண்டி ஊதியம் கொடுக்காத முதலாளிகள் ஒரு எல்லை வரை தனது நிருபர்கள் வெளியில் லஞ்சம் வாங்குவதை  அனுமதிக்கிறார்கள். இதுதான் பெரும்பலான தமிழக பத்திரிகையாளர்களின் நிலை.

தொடக்க காலத்தில் போலீசு அக்கிரமங்களை வெளிக்கொண்டு வந்த ஜுனியர் விகடன், நாளடைவில் போலீசு புகழ்பாடத் துவங்கியது. போலீசை வைத்து வாசகர்களுக்குச் சட்ட விழிப்புணர்வை ஏற்படுத்தும் நிலைக்கு அது வளர்ந்து சென்றது. சட்ட விழிப்புணர்வை ஏற்படுத்த  பல்வேறு வழக்கறிஞர்கள் இருக்க, போலீசாரைக் கொண்டு சட்ட விழிப்புணர்வை ஏற்படுத்துவதில் தொடங்குகிறது விகடன் நிருபர்களின் போலீசு கூட்டு. ரௌடி, போலீசு, அரசியல்வாதி கூட்டணியோடு பத்திரிகையாளர்களில் சிலரும் இணைந்து வளர்ந்த கதை சுவாரசியமானது. போலீசார் நடத்திய கட்டப்பஞ்சாயத்துகளில் பத்திரிகையாளர்களும் கூட்டு சேர்ந்து தொழில் துரோகம் செய்த விஷயங்கள் ஏராளமாக இருக்கின்றன. காலம் தோறும் இத்தகைய மோசடிப் பேர்வழிகள் குமுதம், விகடன் குழுமம், நக்கீரன் என எல்லா ஊடகங்களிலுமே இருந்துதான் வந்திருக்கிறார்கள். ஆனால், அதிர்சியளிக்கும் விஷயமாக அத்தனை பேரும் பேசிக் கொள்வது விகடனுக்குள்ளேயே இது நடந்து விட்டது என்பதுதான்

பாரம்பரியமிக்க பத்திரிகை நிறுவனம் எங்களுடையது என்று மூச்சுக்கு முந்நூறு தடவைச் சொல்லிக் கொள்ளும் விகடன் தங்கள் நிறுவனத்தின் பெயரை தவறான வகையில் பயன்படுத்திய மோசடிப் பேர்வழி விகேஷ் மீது ஏன் சட்ட நடவடிக்கை எடுக்க வில்லை என்கிற கேள்வி இங்கே முக்கியமானது. சில வருடங்களுக்கு முன்பு இதே ஜுனியர்விகடனில் புதிதாக வேலைக்குச் சேர்ந்த பத்திரிகையாளர் ஒருவர் பிரச்சினை ஒன்றில் செய்தியை வெளியிடாமல் இருக்க, சம்பந்தப்பட்டவர்களை மிரட்டுகிற தொனியில் பேசி வகையாகச் சிக்கிக் கொண்டார். அப்போது ஜூனியர் விகடன் நிர்வாகத்தினர், அவரை போலீசில் ஒப்படைத்தார்கள். அவர் சிறைக்கு அனுப்பப்பட்டார். விகேஷ் போன்றோரின் குற்றங்களை ஒப்பிடும்போது அது மிகச்சாதாரண குற்றம்.

இலங்கைத் தூதரின் விருந்தைச் சுவைத்தவர்கள் முதல் எலும்பைச் சுவைத்தவர்கள் வரையிலான எல்லா குற்றவாளிகளும் அடையாளம் காட்டப்படவேண்டும். இதனைத் தெரிந்து கொள்வது தமிழ் மக்களின் உரிமை. ஆதாரங்கள் தெரியாத வண்ணம் இழைக்கப்படும் இத்தகைய குற்றங்களுக்கான ஆதாரங்களை அம்பலமாக்குவது நேர்மையான பத்திரிகையாளர்கள் ஒவ்வொருவரின் கடமை.

Source  : http://www.vinavu.com/2009/09/04/spy/

செப்ரெம்பர் 4, 2009 Posted by | நாட்டுநடப்பு | பின்னூட்டமொன்றை இடுக

ராஜீவ் காந்தியை சுட்டுக் கொல்ல சிங்கள ராணுவம் சதி செய்தது; இலங்கை ராணுவ முன்னாள் தளபதி தகவல்

இலங்கை ராணுவத்தின் கூட்டுப்படை தளபதியாக இருந்தவர் சிரில் ரண துங்கா. ஓய்வு பெற்று விட்ட இவர், “சமாதானத்தில் இருந்து போர், கிளர்ச்சியில் இருந்து பயங்கரவாதம்” என்று ஒரு புத்தகத்தை எழுதி உள்ளார், அதில் அவர் இலங்கை ராணுவத்தில் பணியாற்றிய போது ஏற்பட்ட அனுபவம் பற்றி எழுதி உள்ளார்.

அதன் விவரம் வருமாறு:-

இலங்கை அதிபராக இருந்த ஜெயவர்த்தனே ஈழ தமிழர் பிரச்சினைக்கு தீர்வு காண்பதற்கு இந்தியாவின் உதவியை 1987-ம் ஆண்டு நாடினார். இதையடுத்து இந்தியா-இலங்கை ஒப்பந்தம் ஒன்றை இருநாடுகளும் இணைந்து தயாரித்தன.

அப்போது ஜெயவர்த்தனே தனது பாதுகாப்பு ஆலோசகராக அவரது மகன் ரவி ஜெயவர்த்தனேவை நியமித்தார். முப்படைகளுடன் அடிக்கடி ஆலோசனை நடத்தி, ரவி தரும் அறிக்கைகளைப்படித்த பிறகே ஜெயவர்த்தனே எந்த முடிவையும் எடுப்பதை வழக்கமாகக்கொண்டிருந்தார்.

1987-ம் ஆண்டு ஜூலையில் இந்தியா-இலங்கை ஒப்பந்தத்தில் ஜெயவர்த்தனேவும், ராஜீவ் காந்தியும் கையெழுத்திட்டனர். அதற்காக ராஜீவ்காந்தி இலங்கைக்கு வந்தார்.

ராணுவ அணிவகுப்பு மரியாதையை ஏற்றுக்கொண்டபோது, சிங்கள ராணுவ வீரரான விஜயமுனி விஜித ரோஹன டிசில்வா, துப்பாக்கியால் ராஜீவ் காந்தியைத்தாக்கினார். ராஜீவ் சாதுர்யமாக விலகிக்கொண்டதால் துப்பாக்கியின் பின்புறப்பிடியின் அடியிலிருந்து தப்பினார். இந்த சம்பவம் அப்போது உலகம் முழுவதும் பரபரப்பாகப்பேசப்பட்டது. இச்சம்பவத்தை பல நாடுகள் கண்டித்ததால் ராஜீவ் காந்தியிடம் ஜெயவர்த்தனே மன்னிப்பு கேட்டு வருத்தமும் தெரிவித்தார்.

இந்தியா-இலங்கை ஒப்பந்தத்திற்கு இச்சம்பவத்தால் பாதிப்பு ஏற்படக்கூடாது என்பதற்காக ராஜீவ் காந்தி இதைப்பெரிது படுத்த வில்லை. ஆனால் ராணுவ அணி வகுப்பின் போது அவரை சுட்டுக்கொல்ல சதி திட்டம் தீட்டப்பட்டிருந்தது இப்போது தெரியவந்துள்ளது.

ராஜீவ் காந்திக்கு ராணுவ அணி வகுப்பு மரியாதை தரும் போது ராணுவத்தினர் வைத்திருக்கும் துப்பாக்கிகளில் குண்டுகள் இருக்கக்கூடாது ராணுவத்தினர் குண்டுகள் இல்லாத துப்பாக்கிகளை ஏந்தியவாறு தான் அணி வகுப்பில் பங்கேற்க வேண்டும் என்று பாதுகாப்பு ஆலோசகர் ரவி ஜெயவர்த்தனே தனது தந்தையிடம் கேட்டுக்கொண்டார். அதிபர் ஜெயவர்த்தனே இதை ஏற்றுக்கொண்ட போதிலும் அப்போதைய ராணுவத் தளபதியாக இருந்த லெப்டினெட் ஜெனரல் டி.ஜே.வீரதுங்கா இதை ஏற்காமல் எதிர்ப்பு தெரிவித்தார்.

துப்பாக்கியிலிருந்து குண்டுகளை அகற்றுவது படை வீரர்களின் மனநிலையைப்பாதிக்கும், படை வீரர்களின் மீதான நம்பிக்கையைத் குறைத்து விடும் என்று வீரதுங்கா தெரிவித்த தோடு, குண்டுகளை அகற்ற கடுமையாக எதிர்ப்பும் தெரி வித்தார். ஆனால் ரவி ஜெயவர்த்தனேயின் ஆலோசனைப்படி குண்டுகள் அகற்றப்பட்ட துப்பாக்கியை அணிவகுப்பு மரியாதையின் போது பயன்படுத்தினர்.

துப்பாக்கியிலிருந்து குண்டுகள் அகற்றப்பட்டதால் தான் ரோஹன டிசில்வா வேறு வழியின்றி துப்பாக்கி பிடியால் ராஜீவ் காந்தியைத்தாக்கும் சம்பவத்தை நிகழ்த்தினார். இந்த அணி வகுப்பின் போது, துப்பாக்கியில் தோட்டாக்கள் இருந்திருந்தால் அந்த ராணுவ வீரர் ராஜீவ்காந்தியை சுட்டுக்கொன்றிருப்பார்.

ரவி ஜெயவர்த்தனே இது போன்ற ஆலோசனையை வழங்கியிருக்கா விட்டால், ராஜீவ் காந்தி இலங்கையில் படுகொலை செய்யப்பட்டிருக்கலாம் அல்லது துப்பாக்கி சூட்டில் காயம் அடைந்திருக்கலாம்.

இப்படிப்பட்ட ஆலோசனையை ரவி வழங்கியதற்கு கூறிய காரணம், எகிப்து நாட்டில் அதிபர் அன்வர் சதாத் ராணுவ அணி வகுப்பு மரியாதையை ஏற்கையில் தான் சுட்டுக்கொல்லப்பட்டார் என்பது தான். ராஜீவ் காந்தியை துப்பாக்கியின் பிடியால் தாக்கிய ராணுவ வீரன், முக்கியமான சம்பவத்தை நாளை நிகழ்த்த உள்ளேன். ஆகவே வீட்டிற்கு உயிருடன் திரும்பி வராமல் இருக்கலாம் எனது நண்பனிடம் ஏற்கனவே கூறி உள்ளான்.

இவ்வாறு அந்த புத்தகத்தில் எழுதப்பட்டு உள்ளது.

ஜூலை 17, 2009 Posted by | நாட்டுநடப்பு | பின்னூட்டமொன்றை இடுக

ஸ்ரீலங்கா போர் நிறுத்தம் … உண்மைதானா?

பிரிட்டன், பிரான்ஸ் மற்றும் சுவீடன் மூன்று நாடுகளின் வெளிவிவகார அமைச்சர்கள்  புதன்கிழமை இலங்கைக்கு பயணம் செய்யவிருப்பதாக வெளியான செய்தியின் தொடர்ச்சியாகவே சிறீலங்காவில் போர் நிறுத்தம் அறிவிக்கபட்டுள்ளது.

இதுவும் முழுமையான போர் நிறுத்தம் கிடையாது. ஸ்ரீலங்கா ராணுவம் இனிமேல் கன ரக ஆயுதங்களையும் வீமான குண்டு மழை பொலிவதையும் நிறுத்தி கொள்வார்களாம். மற்ற தாக்குதல் தொடரும்.

ஏப்ரல் 27, 2009 Posted by | நாட்டுநடப்பு | பின்னூட்டமொன்றை இடுக

இந்தியா துரோகம் – கொந்தளித்த திரையுலகம்

திரையுலக தமிழீழ ஆதரவு இயக்கம் சார்பில் நேற்று சென்னை பிலிம் சேம்பரில் தொடர்முழக்க போராட்டம் நடந்தது. தமிழ் இன உணர்வுள்ள அமைப்புகள், மாணவர் அமைப்புகள், வழக்குரைஞர்கள், வணிகர்கள் என பல்வேறு தரப்பினர் இந்தப் போராட்டத்தில் பெரும் திரளென கலந்து கொண்டனர்.

உணர்ச்சி கொந்தளிப்பு என்பார்களே… அதனை நேற்று பிலிம் சேம்பரில் கண்கூடாக பார்க்க முடிந்தது. தமிழ் சினிமாவின் அனைத்து இயக்குனர்களும் இந்த‌ப் போராட்டத்துக்கு திரண்டு வந்திருந்தனர். இனவுணர்வுள்ள நடிகர்கள் சத்யராஜ், வடிவேலு, கஞ்சா கருப்பு, நடிகைகள் ரோகிணி, புவனேஸ்வரி, பாடலாசிரியர்கள் புலமைபித்தன், தாமரை, சினேகன் மற்றும் தொழில்நுட்பக் கலைஞர்கள், தயாரிப்பாளர்கள், பெப்ஸி தொழிலாளர்கள்,நிர்வாகிகள் என அந்தப் பகுதியே தமிழின உணர்வாளர்களால் நிரம்பியிருந்தது.

கூட்டத்தில் பேசிய சத்யராஜ், ஈழம் ஏதோ நாடல்ல, நம்நாடு என்றார். தமிழனை வாழவிடு, தமிழன் வாழ்வதற்கு வழி ஏற்படுத்திக் கொடு, இல்லையேல் எங்களை தனியாக விடு என்று ஆவேசப்பட்டார் இயக்குனர் சேரன்.

இலங்கையில் யுத்தத்தை நிறுத்துவற்குப் பதிலாக கொல்லைப்புறம் வழியாக ஆயுதங்கள் கொடுத்து இந்தியா தமிழர்களை அழிக்கிறது என்று குற்றம்சாட்டிய பாரதிராஜா, இது மன்னிக்க முடியாத துரோகம் என்றார்.

போர் நிறுத்தத்தை ஏற்படுத்தாமல் மன்மோகன் சிங்கோ, சோனியாவோ, பிரணாப் முகர்ஜியோ தமிழகத்துக்கு வரக்கூடாது. மீறி வந்தால் அவர்களுக்கு எதிராக போராட்டம் நடத்தப்படும் என்று தீர்மானம் நிறைவேற்றப்பட்டது.

மேலும், ஓட்டுக் கேட்டு வருகிறவர்களை எல்லா வழிகளிலும் துரத்தியடிப்பது, காங்கிரஸின் தமிழக தலைவர்கள் தங்கபாலு, ஈ.வி.கே.எஸ். இளங்கோவன், சிதம்பரம் ஆகிய தமிழின துரோகிகள் போட்டியிடும் தொகுதிகளில் அவர்களுக்கு எதிராக திரையுலகினர் பிரச்சாரம் செய்வது ஆகிய தீர்மானங்கள் நேற்றைய கூட்டத்தில் எடுக்கப்பட்டன.

தனக்கு மத்திய அரசு தந்த பத்மஸ்ரீ விருதை திருப்பி அனுப்புவதாக தெரிவித்தார் பாரதிராஜா. அதனை உடைத்து எறியுங்கள் என கூட்டத்தினர் ஆவேசப்பட்டனர். உடைத்தால் அந்த செய்தி இருட்டடிப்பு செய்யப்படும், அதனால் திருப்பி அனுப்புங்கள் என்று இயக்குனர் அமீர் கூறியதைத் தொடர்ந்து விருதை திருப்பி அனுப்புவதென முடிவு செய்தனர்.

நேற்று திரையுலகமும், பொதுமக்களும் திரண்டு நடத்திய இந்த தொடர்முழக்க போரட்டத்தையொட்டி சில சம்பவங்கள்…

ஒட்டு மொத்த தமிழகமும் போர் நிறுத்தம் செய்ய வேண்டும், போரை இந்தியாதான் நடத்திக் கொண்டிருக்கிறது என குமுறிக் கொண்டிருந்த நேரத்தில், தமிழகத்தில் ஈழப் பிரச்சனை பற்றி பொதுமக்கள் யாரும் கவலைப்படவில்லை, பிரபாகரனும், விடுதலைப்புலிகளும் தீவிரவாதிகள் என்பதில் அவர்கள் தெளிவாக இருக்கிறார்கள் என ஆங்கில தொலைக்காட்சியில் உளறிக் கொண்டிருந்தார் இந்து ராம்.

நடிகர்களின் நாய் காணாமல் போனாலே நாலு காலத்தில் செய்தி வெளியிடும் பத்திரிகைகள், உணர்ச்சி கொந்தளிப்பான இந்த போராட்டத்தைப் பற்றி செய்தியே வெளியிடவில்லை. வெறிச்சோடிய வீதிகளை படம் பிடித்த தொலைக்காட்சி கேமராக்கள், இந்தக் கூட்டத்தின் பக்கம் திரும்பக்கூட இல்லை.

தமிழின துரோகிகளை நேற்றைய நிகழ்வு படம் பிடித்துக் காட்டியிருக்கிறது. தமிழினமே உ­ஷார்.

– நன்றி வெப்துனியா

ஏப்ரல் 27, 2009 Posted by | நாட்டுநடப்பு | பின்னூட்டமொன்றை இடுக